राष्ट्रपति रनिङ सिल्ड आजदेखि

काठमाडौं : १६औं केन्द्रीय राष्ट्रपति रनिङ सिल्ड खेलकुद प्रतियोगिता बुधबारदेखि हुने भएको छ । राष्ट्रिय खेलकुद परिषद् (राखेप) को आयोजनामा हुने प्रतियोगिताको बुधबार राष्ट्रपति रामचन्द्र पौडेलले त्रिपुरेश्वरस्थित दशरथ रंगशालामा उद्घाटन गर्ने छन् ।

शुक्रबारसम्म सञ्चालन हुने प्रतियोगितामा सातै प्रदेशबाट ९८ का दरले ६ सय ८६ खेलाडी सहभागी हुने छन् । विभिन्न ६ खेल समावेश प्रतियोगितामा ६६ स्वर्णका लागि प्रतिस्पर्धा हुनेछ । प्रतियोगिताअन्तर्गत एथलेटिक्समा २६, भलिबल र कबड्डीमा दुई/दुई तथा कराते, तेक्वान्दो र उसुमा १२/१२ स्वर्णका प्रतिस्पर्धा हुनेछ ।