आँखा पाकेका व्यक्तिलाई हेर्दैमा रोग सर्दैन [भिडियो]

अहिले देशभर आँखा पाक्ने, रातो हुने रोगको समस्या भइरहेको छ। आँखा पाक्ने अथवा रातो हुने २÷४ वटा कारणले हुनसक्छ। त्यसमध्ये ब्याक्टेरियाले हुनसक्छ, भाइरस र एलर्जीले गर्दा पनि हुनसक्छ। अहिले एडिनो भाइरस र इन्टेरो भाइरसका कारण आँखा पाक्ने समस्या देखिइरहेको छ। अझै रिसर्च त हुँदै छ। सुरुमा एडिनो भाइरस मात्रै भनेर सस्पेक्ट गरेका थियौं। अब अहिले इन्टेरो भाइरस पनि देखापरेको छ।

यसको लक्षणहरु पहिला त आँखा रातो हुन्छ। सुरुमा एउटा आँखा रातो हुन्छ र केहि दिनपछि अर्को आँखा रातो हुन्छ। त्यसपछि आँखाको ढकनी (आइलिड) सुन्नीन सक्छ। आँखाबाट आँसु आउन सक्छ। कचेरा आउँन सक्छ। आँखामा बालुवा छिरेको अनुभव हुनसक्छ। आँखा चिलाउने हुनसक्छ।