प्रधानमन्त्रीका प्रमुख सल्लाहकारको नाम दुरुपयोग गरी ठगी गरेको आरोपमा दुई जना पक्राउ

काठमाडौं- प्रधानमन्त्रीका प्रमुख सल्लाहकारको नाम तथा पद दुरुपयोग गरी इजरायल पठाइदिने भन्दै ठगी गरेको आरोपमा प्रहरीले दुई जनालाई पक्राउ गरेको छ।

नेपाल र इजरायल सरकारबीच भएको सरकार–सरकार सम्झौताअनुसार इजरायलमा हेरचाहसम्बन्धी कामका लागि नेपाली कामदार पठाउने प्रक्रियाअन्तर्गत नेपाल सरकारले सन् २०२४ मा परीक्षा सञ्चालन गरेको थियो। उक्त परीक्षामा सहभागीमध्ये इजरायल जानका लागि भएको चिठ्ठा प्रक्रियामा छनोट हुन नसकेका १५६ जनालाई इजरायल पठाइदिने भन्दै आरोपीहरूले रकम लिएको प्रहरीले जनाएको छ।