ज्यामरुककोट र ढोलठानमा पर्यटकीय पूर्वाधार निर्माण

पर्यटकीय सम्भावनायुक्त म्याग्दीका ज्यामरुककोट र ढोलठानमा स्थानीय तथा प्रदेश सरकारको संयुक्त लगानीमा पर्यटकलक्षित पूर्वाधार निर्माण गरिएका छन् । पर्यटकीय हिसाबले सम्भावनायुक्त म्याग्दीको बेनी नगरपालिका–२ स्थित ज्यामरुककोट र बेनी नगरपालिका–९ स्थित ढोलठान दरबार क्षेत्रमा पर्यटकीय पूर्वाधार निर्माण गरिएका हुन् ।

गण्डकी प्रदेश सरकारअन्तर्गतको उद्योग तथा पर्यटन कार्यालय म्याग्दीको सहयोगमा ज्यामरुककोटको खड्गभवानी कोत र ढोलठान दरबार परिसरमा पूर्वाधार विस्तार गरिएको बेनी नगरपालिकाका प्रमुख सुरत केसीले बताउनुभयो । प्रदेश सरकारको रु १० लाख बजेटबाट यसपाली खड्गभवानी कोतघर परिसरमा ३८ मिटर लामो र दुई मिटर अग्लो मेसिनरी पर्खाल निर्माण गरिएको छ ।