अलबिदा डा पाण्डे !

अलबिदा, लगनशील, बौद्धिक तथा आफ्नै मौलिक स्वभावका धनी आईडीएसका पूर्व कार्यकारी निर्देशक तथा पूर्व अर्थमन्त्री डा. देवेन्द्रराज पाण्डे। तपाईंको आत्माले बैकुण्ठवास प्राप्त गरोस् । शोकसन्तप्त परिवारजनप्रति हार्दिक समवेदना व्यक्त गर्दछु।

वि.सं. २०३० को दशकमा निजामती सेवाभित्र आकर्षक र प्रतिभाशाली युवा सचिवका रूपमा परिचित डा. देवेन्द्रराज पाण्डे जनमत संग्रहको समयमा तत्कालीन प्रधानमन्त्री सूर्यबहादुर थापासँग वैचारिक टक्कर लिएर सरकारी सेवा त्याग्ने साहसी प्रशासकका रूपमा स्थापित भएका थिए । त्यसपछि स्व. कुलशेखर शर्मा, डा. भेषबहादुर थापा र डा. प्रकाशचन्द्र लोहनीले मिलेर स्वदेशमै उच्चस्तरीय परामर्शदातृ सेवा विकास गर्ने उद्देश्यले स्थापना गरिएको आईडीएस (हालको आईआईडीएसको पूर्वरूप) का संस्थापक कार्यकारी निर्देशक भए । स्मरण रहोस् कि के कारणले हो डा. प्रकाशचन्द्र लोहनी आईडीएसबाट अलग भए ।