देशको अर्थतन्त्र सुधार्न पत्रकार फेलोसिप कार्यक्रम घोषणा

नेपाल पत्रकार महासंघसँगको सहकार्यमा बैंक तथा वित्तीय संस्था परिसंघ र नेपाल बिजनेस इन्टिस्च्युटले पत्रकारबीच राष्ट्रब्यापी लेख लेखन प्रतियोगीता शुरु गरेका छन् । वर्तमान अवस्थामा देखिएका आर्थिक समस्याको समाधान र यसको रोडम्यापबारे राष्ट्रियस्तरमा बहस पैरवी गर्दै समाधानको निचोड निकाल्न प्रतियोगीता आयोजना गरिएको आयोजकले जनाएको छ ।

वर्तमान आर्थिक परिदृश्य र समृद्धिको मार्गचित्र विषयमा २५ सय शब्द नबढ्नेगरी देशभरका पत्रपत्रिका, रेडियो, टेलिभिजन, अनलाइन सञ्चारमाध्यममा कार्यरत पत्रकार र स्तम्भकारले लेख पठाउन सक्ने नेपाल पत्रकार महासंघका अध्यक्ष बिपुल पोख्रेलले जानकारी दिए ।