‘महिलाले सिलिन्डर उठाउन सक्दैनन्’ भनेर जागिर नदिँदा १९ लाख बढी क्षतिपूर्ति तिर्न आदेश

भारतको सर्वोच्च अदालतले महिला भएकै कारण जागिरबाट वञ्चित भएको मुद्दामा एक महिलालाई १२ लाख भारतीय रुपैयाँ अर्थात् १९ लाखभन्दा बढी नेपाली रुपैयाँ क्षतिपूर्ति दिन आदेश दिएको छ।

अदालतले भारतीय आयल कर्पोरेसन (आईओसी) का नाममा यस्तो आदेश दिएको हो। एलपीजी बोटलिङ प्लान्टमा रिफिलिङ हेल्परको पदका लागि स्थानीय समितिले सिफारिस गरेका ४९ जनामध्ये उनी पनि थिइन्। अन्तर्वार्तामा सहभागी भए पनि उनले नियुक्ति पत्र पाइनन् भने अन्य ४३ जना उम्मेदवारले नियुक्ति पाए।