भोटेकोसी बाढीको उद्गम स्थलदेखि तटीय क्षेत्रसम्मको स्थलगत अध्ययन गरिने

काठमाडौं । सरकारले रसुवाको भोटेकोशी नदीमा आएको विनाशकारी बाढीको अध्ययन गर्न वैज्ञानिक समिति गठन गरेको छ। ऊर्जा, जलस्रोत तथा सिँचाइ मन्त्रालयका अनुसार सो समितिले भोटेकोसी बाढीको वैज्ञानिक आधार र प्रमाण संकलनका साथै नाम पनि टुंग्याउने छ।

मन्त्रालयअन्तर्गत जल तथा ऊर्जा आयोगको सचिवालयले प्रारम्भिक रुपमा गरेको अध्ययनमा विभिन्न नामहरु छलफलमा आएका छन्। आयोग सचिवालयका सहसचिव टिका बरालकाअनुसार छलफलमा ‘ग्लेसियर रक एभलेन्च’, ‘आइस रक एभलेन्च/ल्याण्ड स्लाइड’, रसुवा भोटेकोशी महाविपत लगायत नामहरु आएका छन्।