नेपाल सुपर लिगको चौथो सिजनका लागि ३ नयाँ क्लब थपिँदै, आवेदन प्रक्रिया सुरू

नेपाल सुपर लिग (एनएसएल) ले सन् २०२६ मा आयोजना हुने चौथो सिजनका लागि नयाँ क्लबहरू थप्ने प्रक्रिया सुरु भएको घोषणा गरेको छ।

नेपाली फुटबललाई थप व्यावसायिक र देशव्यापी बनाउने उद्देश्यका साथ आगामी ५ सेप्टेम्बर २०२६ देखि सुरु हुने यो सिजन 'होम एण्ड अवे' ढाँचामा खेलाइनेछ। यसैको तयारी स्वरूप लिगले ३ वटा नयाँ क्लबहरूलाई सहभागी गराउने निर्णय गरेको हो। योसँगै अब लिगमा क्लबहरूको संख्या ७ बाट बढेर १० पुग्नेछ।