नागढुंगा सुरुङमार्गका लागि जापानको थप ५ अर्ब ५० करोड रुपैयाँ ऋण सहयोग

नागढुंगा सुरुङमार्ग निर्माण आयोजनाका लागि जापान सरकारले थप ऋण सहायता उपलब्ध गराउने भएको छ। निर्माण अवधिमा बढेको लागत व्यवस्थापन गर्न जापानले ५ अर्ब ७० करोड जापानी येन (झण्डै ५ अर्ब ५० करोड नेपाली रुपैयाँ) बराबरको अतिरिक्त ऋण दिने निर्णय गरेको हो।

यस सम्बन्धी सम्झौतापत्रमा बुधबार नेपालका लागि जापानी राजदूत माएडा तोरु र अर्थ सचिव घनश्याम उपाध्यायले हस्ताक्षर गरेका छन्। यससँगै उक्त आयोजनाका लागि जापानको कुल ऋण सहायता २२ अर्ब ३३ करोड ६० लाख येन पुगेको छ।