‘मालती मंगले’ प्रदर्शनका लागि अमेरिका उडे रामकृष्ण ढकाल

काठमाडौँ । गायक रामकृष्ण आफूले निर्माण गरेको फिल्म ‘मालती मंगले’ प्रदर्शनका लागि अमेरिका प्रस्थान गरेका छन् । उनी तीन सातासम्म अमेरिका रहेर विभिन्न सहरमा सांगीतिक प्रस्तुतिसहित फिल्म प्रदर्शनमा सहभागी हुनेछन् ।

जसअनुसार पहिलो कार्यक्रम जुन ५ मा बोस्टनमा आयोजना हुने र जुन ६ मा न्यु ह्याम्पसायरमा हुने गायक तथा निर्माता ढकालले रातोपाटीलाई बताए । त्यसपछि नर्थ क्यारोलाइना, टेक्सस लगायत राज्यका केही सहरमा पनि ‘मालती मंगले’को प्रदर्शन तथा सांगीतिक कार्यक्रम हुनेछ ।