नेदरल्याण्ड्स टुरको तयारीका लागि नेपाली क्रिकेट टोली जर्सी जाने

काठमाडौँ । नेपाली राष्ट्रिय क्रिकेट टोलीले आइसिसी पुरुष क्रिकेट विश्वकप लिग–२ को तयारीका लागि जर्सीको भ्रमण गर्ने भएको छ । नेपाल क्रिकेट संघ (क्यान) ले बुधवार एक प्रेस विज्ञप्ति जारी गर्दै आगामी जुलाई २०२६ मा नेदरल्याण्ड्समा आयोजना हुने त्रिकोणात्मक शृङ्खलाको तयारी स्वरूप नेपाली टोली जर्सी जान लागेको जानकारी दिएको हो ।

नेदरल्याण्ड्समा हुने उक्त लिग-२ शृङ्खलामा आयोजक नेदरल्याण्ड्स, नेपाल र नामिबिया सम्मिलित हुनेछन् । सोही महत्त्वपूर्ण प्रतियोगिताको तयारीलाई थप बलियो बनाउन नेपाली टोलीले जर्सीमा विशेष तयारी क्याम्प राख्ने क्यानका सचिव पारस खड्काद्वारा जारी विज्ञप्तिमा उल्लेख छ ।