अध्यक्ष नहुँदा बीमा नीति तथा कार्यक्रम ल्याउन विलम्ब, मस्यौदा लेखन समेत बाँकी

काठमाडौं । ‘स्थायी अध्यक्ष’ नभएपछि नेपाल बीमा प्राधिकरणको आगामी आव २०८३–८४ को ‘वार्षिक नीति तथा कार्यक्रम’ आउन विलम्ब हुने भएको छ ।

निवर्तमान अध्यक्ष शरद ओझाले प्राधिकरणमा पहिलो पटक वार्षिक बीमा नीति तथा कार्यक्रम ल्याउन सुरु गरेका थिए । उनको नेतृत्वमा प्राधिकरणले चालु आवका लागि गत असार २४ गते पहिलो पटक वार्षिक नीति तथा कार्यक्रम ल्याएको थियो, जुन अभ्यासलाई वार्षिक रुपमा निरन्तरता दिने लक्ष्य थियो । तर, दोस्रो बर्षमै विलम्ब हुने भएको छ ।