संविधानले राज्य शक्तिको मूल स्रोत जनता हुन् भन्ने सिद्धान्त स्थापित गरेको छ : मन्त्री गौतम

कानुन, न्याय तथा संसदीय मामिला मन्त्री सोविता गौतमले संविधानको शक्ति त्यसका अक्षरमा मात्र सीमित नभई नागरिकको जीवनमा देखिने परिवर्तनसँग जोडिनुपर्ने बताएकी छन्।

संविधान दिवसका अवसरमा शुभकामना दिँदै मन्त्री गौतमले असोज ३ गते नेपाली जनताले आफ्नो शासन व्यवस्था आफैँ निर्धारण गरेको ऐतिहासिक दिन भएको बताउँदै संविधानले राज्य शक्तिको मूल स्रोत जनता हुन् भन्ने सिद्धान्त स्थापित गरेको उल्लेख गरिन्।