प्रधानमन्त्री शाहको अभिव्यक्ति राष्ट्रहितविपरीत : महेश बस्नेत

नेकपा एमालेका सचिव महेश बस्नेतले प्रधानमन्त्री बालेन्द्र शाहले संसदमा दिएको सीमा सम्बन्धी अभिव्यक्ति तथ्यहीन, अल्पज्ञानपूर्ण तथा राष्ट्रहितविपरीत रहेको बताएका छन्।

सञ्चारकर्मीसँग कुरा गर्दै बस्नेतले प्रधानमन्त्री शाहले जानकारी बिना नेपालको भूमि भारतले मिचेको विषय उठाएको भन्दै त्यसले नेपालको अन्तर्राष्ट्रिय छविमा नकारात्मक असर पार्ने बताए। उनले राष्ट्रियता र विकासप्रति प्रतिबद्ध नेतृत्वले संवेदनशील विषयमा तथ्य र प्रमाणका आधारमा मात्रै धारणा राख्नुपर्ने बताए।