एसियाली खेलकुदमा जब दक्षिण कोरियाको सट्टा उत्तर कोरियाको राष्ट्रिय गान बज्यो...

जापानमा जारी एसियाली खेलकुदअन्तर्गत दक्षिण कोरिया र बंगलादेशबिच शुक्रबार भएको पुरुष हक्की खेलअघि दक्षिण कोरियाको राष्ट्रिय गानको सट्टा उत्तर कोरियाको राष्ट्रिय गान बजेको छ।

रंगशालामा गान बज्दा दक्षिण कोरियाली खेलाडीहरू अलमल्ल परेका थिए। उनीहरूले एकअर्कालाई हेर्दै आयोजकतर्फ समेत हेरेका थिए। केही समयपछि आयोजकले गल्ती भएको भन्दै माफी माग्यो।