१० वर्षीया बालिका बलात्कार गरेको आरोपमा ३० वर्षीय युवक पक्राउ

संखुवासभामा १० वर्षीया बालिकालाई बलात्कार गरेको आरोपमा ३० वर्षीय युवक पक्राउ परेका छन् ।

पक्राउ पर्नेमा पाँचखपन नगरपालिका-३ बस्ने ३० वर्षीय अरूण राई रहेका छन् ।

अरूणले ती बालिकालाई जबर्जस्ती करणी गरेको भन्ने उजुरीको आधारमा इलाका प्रहरी कार्यालय वानाबाट खटिएको प्रहरीले उनलाई पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको जनाएको छ ।