उत्साह र निराशाबिचको दिवस

संविधान जस्तोसुकै राम्रो किन नहोस्, त्यसलाई चलाउने मानिस खराब छन् भने संविधान खराब प्रमाणित हुनेछ। - डा. भीमराव अम्बेडकर

आज असोज ३ गते, संविधान दिवसको ११औं वर्षगाँठ। आठ वर्षको राजनीतिक रस्साकसी, सकस तथा अथक प्रयासपछि दोस्रो निर्वाचित संविधान सभाबाट ‘नेपालको संविधान’ २०७२ सालमा यही दिन जारी भयो। राष्ट्रले नयाँ जीवन पायो। संघीय लोकतान्त्रिक गणतन्त्र, धर्मनिरपेक्ष, समावेशिता, सुशासन, सहअस्तित्व तथा सामाजिक न्याय यसका आधारस्तम्भ हुन्। ‘नेपालको सार्वभौमसत्ता र राजकीयसत्ता नेपाली जनतामा निहित रहेको’ घोषणाले जनता मालिक बने। नागरिकका कर्तव्यसहित ३२ धारामा समेटिएको मौलिक हक यसको मेरुदण्ड हो।