ओलीसँग तुलना गर्दै योगेशले सम्झिए वृद्धले गाडी जोगाएको कथा

काठमाडौँ । नेकपा एमालेका अध्यक्ष केपी शर्मा ओलीले नेतृत्व नछाड्ने सन्देश दिएपछि उपमहासचिव योगेश भट्टराईले वृद्ध मानिसको कथा स्मरण गरेका छन् । पार्टीको दुई दिने कार्यशाला उद्घाटन गर्दै ओलीले बुधबार शिर काटेर सङ्गठन बलियो नहुने भन्दै आफू अध्यक्ष नछोड्ने बताएका थिए ।

ओलीको यही अभिव्यक्तिलाई सङ्केत गर्दै उपमहासचिव भट्टराईले सामाजिक सञ्जालमा सातौँ महाधिवेशनको बन्द सत्रमा एक नेताले सुनाएको वृद्धको कथालाई उद्धृत गरेका हुन् ।