पार्टीभित्र समर्थन फिर्ताको दबाबबीच एमाले-कांग्रेससँग उपेन्द्रको वार्ता

काठमाडौं । जनता समाजवादी नेपालभित्र एमाले-कांग्रेस गठबन्धनलाई दिएको समर्थन फिर्ताको दबाब बढिरहेको बेला अध्यक्ष उपेन्द्र यादवले सत्ता गठबन्धनका प्रमुख नेतासँग वार्ता गरेका छन् । समर्थन फिर्ता लिने केन्द्रीय कार्यकारिणी समितिको निर्णय कार्यान्वयनमा संसदीय दलको ढिलाइले जसपा नेपालभित्र असन्तुष्टिसमेत चर्किएको छ । यस्ताे अवस्थामा बालुवाटार पुगेर अध्यक्ष यादवले सरकारसँग सच्चिने प्रतिवद्धता र संविधान संशोधनको स्पष्ट रोडम्याप खोजेका छन् ।