नक्कली धितोमै प्रभु बैंकबाट करोडौँ झ्वाम पार्ने जानकी मेडिकल कलेजका पाण्डे फन्दामा

काठमाडौँ / बैंकबाट १३ करोड रुपैयाँ कर्जा लिँदा कृत्रिम कम्पनी खडा गरी धितोमा बदमासी गरेको आरोपमा जानकी मेडिकल कलेजका सञ्चालक ओमप्रकाश पाण्डे पक्राउ परेका छन् । उनलाई केन्द्रीय अनुसन्धान ब्युरो (सिआइबी)बुधबार कलेज परिसरबाटै नियन्त्रणमा लिएको हो ।

सिआइबीका अनुसार पाण्डेले महोत्तरीको बर्दिबासमा इन्स्टिच्युट अफ एग्रिकल्चर फरेस्ट एन्ड भेटेरिनरी साइन्स प्रालि नामक कृत्रिम कम्पनी खडा गरी त्यसैको आधारमा बैंकबाट कर्जा लिएका थिए। सो कम्पनीको डिपिआर नै नभएको र धितोको मूल्याङ्कन अस्वाभाविक रूपमा बढी देखाएर कर्जा स्वीकृत गराइएको आरोप छ ।