इटालियन सिरी’ए मा इन्टर मिलान विजयी

काठमाडौं । इटालियन सिरी’ए मा इन्टर मिलान विजयी भएको छ । आइतबार राती भएको खेलमा इन्टरले भेनेजियालाई १-० गोल अन्तरले हराएको हो । इन्टरलाई जिताउन माटेओ दरमियानको गोल निर्णाइक बन्यो ।

योसँगै इन्टरको १८ खेलबाट ४३ अंक भएको छ । शीर्ष स्थानको नापोलीले एक खेल बढी खेलेकामा उसको ४४ अंक छ । यस्तै, सिरी’ए अन्तर्गतका अन्य खेलमा जेनोआले पर्मालाई १-० ले हराउँदा एएस रोमा र बोलोग्नाले २-२ को बराबरी खेल्दै अंक बाँडेका छन् ।