भक्तपुर क्यान्सर अस्पताल: निःशुल्क परीक्षण शिविरमा पनि आएनन् बिरामी

भक्तपुर क्यान्सर अस्पतालले मुखको क्यान्सरको जोखिममा रहेका व्यक्तिका लागि निःशुल्क परीक्षण क्लिनिक सञ्चालन गरेको छ। तर, अपेक्षाअनुसार बिरामीको उपस्थिति हुन नसकेको अस्पतालले जनाएको छ।

अस्पतालले विश्व सुर्तीजन्य पदार्थरहित दिवसको अवसर पारेर गत आइतबारदेखि निःशुल्क मुख क्यान्सर परीक्षण शिविर सञ्चालन गरेको हो। तर शिविरमा बिरामीको संख्या अत्यन्त न्यून रहेको अस्पतालका निर्देशक डा. उज्ज्वल चालिसेले जानकारी दिए।