चेल्सीद्वारा पोटर बर्खास्त

लन्डन — चेल्सीले सोमबार आफ्ना व्यवस्थापक ग्राहम पोटरलाई बर्खास्त गरेको छ । इंग्लिस प्रिमियर लिगमा चेल्सी एस्टन भिल्लाको हातबाट २–० ले पराजित भएयता उनी हटाइएका हुन् । पोटर सात महिना अगाडि मात्र चेल्सीका प्रशिक्षक भएका थिए ।

उनी आएयता चेलसीका खेलेका ३१ खेलमध्ये ११ मा पराजित रहेको थियो । सेप्टेम्बर ८ मै मात्र चेल्सीले यसअघिका व्यवस्थापक थोमस टुचेललाई पनि बर्खास्त गरेको थियो । चेल्सी लिगको ११ औं स्थानमा छ र शीर्ष चारबाट १२ अंक पछाडि छ ।