क्यालिफोर्नियामा स्कुलमा गोलीबारी, ३ जनाको मृत्यु

अमेरिकाको क्यालिफोर्निया राज्यमा रहेको एक हाई स्कुलको ग्र्याजुएसन समारोहपछि भएको गोलीकाण्डमा कम्तीमा ३ जनाको मृत्यु भएको छ भने ३ जना घाइते भएका छन् । घटना फेयरफिल्ड हाई स्कुलको पार्किङ क्षेत्रमा बुधवार साँझ करिब ७ः१५ बजे भएको हो ।

प्रहरीका अनुसार त्यही परिसरमा सेम येटो हाई स्कुलको ग्र्याजुएसन समारोह चलिरहेका बेला आक्रमण भएको थियो । प्रहरीका अनुसार घाइतेमध्ये सबैभन्दा कान्छो पीडित ११ वर्षका बालक हुन् । अन्य घाइतेहरू २० र २५ वर्षका वयस्क रहेका छन् । घटनामा घाइते भएका १८ वर्षीय एक युवकको पछि मृत्यु भएको पुष्टि गरिएको छ ।