युक्रेनलाई सैन्य सहयोग गर्ने युरोपेली प्रतिनिधिमाथि रुसी प्रतिबन्ध

मस्काे । युरोपेली संघले जुलाई २३ मा रुसविरुद्ध लागू गरेको २१औँ चरणको प्रतिबन्धको जवाफमा रुसले युरोपेली संघका प्रतिनिधिहरूलाई लक्षित गर्दै आफ्नो प्रवेश निषेध सूची व्यापक रूपमा विस्तार गरेको रुसी विदेश मन्त्रालयले शुक्रबार जनाएको छ ।

मन्त्रालयले जारी गरेको विज्ञप्तिमा युरोपेली संघका संस्था, सदस्य राष्ट्र तथा रुसविरोधी नीतिलाई समर्थन गर्ने केही युरोपेली राष्ट्रका प्रतिनिधिहरूलाई रुस प्रवेशमा प्रतिबन्ध लगाइएको उल्लेख गरिएको छ ।