‘प्याब्सन डिजिटल क्विज कन्टेस्ट–२०८३’ हुँदै

सुन्दरहरैंचा (मोरङ) । निजी तथा आवासीय विद्यालय अर्गनाइजेसन नेपाल (प्याब्सन) सुन्दरहरैंचा नगर समितिको आयोजनामा ‘प्याब्सन डिजिटल क्विज कन्टेस्ट–२०८३’ हुने भएको छ। प्रतियोगितामा सुन्दरहरैंचा नगरपालिकाभित्रका २४ वटा निजी तथा आवासीय विद्यालयका विद्यार्थीहरूको सहभागिता रहने आयोजकले जनाएको छ।

प्याब्सन सुन्दरहरैंचा नगर समितिले शुक्रबार पत्रकार सम्मेलन गर्दै आगामी २०८३ साल असोज ४ गते प्रतियोगिता आयोजना गर्न लागिएको जानकारी दिएको हो। प्रतियोगिता विराटचोकस्थित इन्द्रपुर जेसीज हलमा आयोजना हुनेछ।