हामी फाइनल खेल्न चाहन्थ्यौँ, यो खेल कोही खेल्न चाहँदैनन्:  इङ्गल्यान्डका प्रशिक्षक टुचेल

काठमाडौँ । विश्वकपको सेमिफाइनलबाट बाहिरिएपछि इङ्गल्यान्डका मुख्य प्रशिक्षक थोमस टुचेल र फ्रान्सका मुख्य प्रशिक्षक डिडियर डेसच्याम्प्सले तेस्रो स्थानका लागि खेलिने खेल प्रति गहिरो अरुचि र निराशा व्यक्त गरेका छन् । दुवै प्रशिक्षकले यो खेल कसैले पनि खेल्न नचाहने तर बाध्यतावश खेल्नुपर्ने खेल भएको बताएका छन् ।

अर्जेन्टिनासँग पराजित भएपछि इङ्गल्यान्डका प्रशिक्षक थोमस टुचेलले खेलाडीहरूमा फाइनल खेल्ने मात्र इच्छा हुने भन्दै तेस्रो स्थानको भिडन्तलाई ‘कसैले खेल्न नचाहने खेल’ को संज्ञा दिए । उनले भने, ‘हाम्रा कुनै पनि खेलाडी र फ्रान्सका कुनै पनि खेलाडी यो खेल खेल्न चाहँदैनन् । उनीहरू फाइनल खेल्न चाहन्थे । हामीले फाइनल पुग्नका लागि आफ्नो सर्वस्व दिएका थियौँ। हरेक व्यक्ति विश्वकप जित्नकै लागि खेल्छ, तर अन्ततः परिस्थितिलाई स्विकार्नुपर्छ। ’