साफ च्याम्पियनसिप: एक दशकपछि सेमिफाइनलबाटै बाहिरियो नेपाल

साविक विजेता बंगलादेशसँग पराजित हुँदै नेपाली राष्ट्रिय महिला फुटबल टोली साफ महिला च्याम्पियनसिपको सेमिफाइनलबाटै बाहिरिएको छ।

भारतको गोवास्थित जवाहरलाल नेहरू स्टेडियममा भएको सेमिफाइनल खेलमा नेपाल बंगलादेशसँग २-१ गोल अन्तरले पराजित भएको हो। अघिल्ला दुई संस्करण बंगलादेशसँग फाइनलमा पराजित भएको नेपाली टोली यो पटक भने सेमिफाइनलमै रोकिएको हो।