फिल्डिङमा कुशल–मिलिन्दको दबदबा, विकेटकिपिङमा भण्डारी उत्कृष्ट

काठमाडौँ। नेपाल प्रिमियर लिग (एनपीएल) को दोस्रो संस्करणमा फिल्डिङ विभागले अभूतपूर्व प्रदर्शन देखाएकाे छ। सबैभन्दा धेरै क्याच लिने खेलाडीको सूचीमा चितवन राइनोजका कुशल मल्ल र काठमाडौँ गोर्खाजका मिलिन्द कुमार शीर्ष स्थानमा रहेका छन्। लिग चरणका २८ खेल सकिँदा दुवैले ८–८ क्याच समातेर टोलीलाई निर्णायक क्षणमा महत्वपूर्ण योगदान दिए। विशेष गरी मिलिन्द कुमारले पोखराविरुद्ध एकै खेलमा पाँच क्याच समाते, जुन यस संस्करणको सबैभन्दा उत्कृष्ट र स्मरणीय फिल्डिङ प्रदर्शन मानिएको छ। कुशल मल्लले पनि चितवनका लागि लगातार ‘सेफ ह्यान्ड्स’ को भूमिका निर्वाह गर्दै प्रभावशाली उपस्थिति जनाए।

उच्चस्तरीय फिल्डिङ प्रदर्शनमा काठमाडौँका गेरार्ड इरामस र पोखराका कप्तान कुशल भुर्तेल पनि उतिकै चम्किए। दुवैले ७–७ क्याच समात्दै आफ्नो टोलीका लागि भरपर्दो फिल्डरको छाप छोडेका छन्।