‘रोल नं १’ मा दर्शकको आकर्षण बढ्दो, अधिकांश शो हाउसफुल

काठमाडौँ । नेपाली चलचित्र ‘रोल नं १’ मा दर्शकको आकर्षण उल्लेख्य रूपमा बढ्न थालेको छ । प्रदर्शनको दोस्रो सातामा प्रवेश गरेसँगै चलचित्रले काठमाडौँभित्र र बाहिर दुवैतर्फ दर्शकको राम्रो साथ पाउन थालेको हो ।

चलचित्र वितरण पक्षका अनुसार काठमाडौँ उपत्यकामा ‘रोल नं १’ का अधिकांश शोमा ८० प्रतिशतभन्दा बढी अकुपेन्सी देखिएको छ भने केही शो हाउसफुल भएका छन् । काठमाडौँबाहिर पनि चलचित्रले ४५ प्रतिशतभन्दा बढी अकुपेन्सी हासिल गरेको जनाइएको छ ।