सुदूरपश्चिम प्रदेश सरकार गठनको अन्योल कसरी हट्दैछ ?

धनगढी । सुदूरपश्चिम प्रदेशमा नयाँ सरकार गठनमा सिर्जना भएको अनिश्चितता अझै कम हुनसकेको छैन । प्रदेश प्रमुख नजिर मियाँले २ वैशाखमा मुख्यमन्त्रीका लागि पेस भएका दुई दाबीलाई खारेज गरेर दुई दिनको समय थपेर पुनः आह्वान गरेपछि अन्योल कम हुनुको साटो झन बढेर गएको छ ।

गत २ वैशाखमा नेपाली कांग्रेस, नागरिक उन्मुक्ति पार्टी (नाउपा) र एकीकृत समाजवादीबीचको ‘नौलो गठबन्धन’ ४ गते भत्किसकेको छ । अहिले कांग्रेस र नाउपाका संस्थापक रेशमलाल चौधरी पक्षधर प्रदेशसभा सदस्यबीच गठबन्धन कायम छ । ४ चैतदेखि नेकपा एमाले, नेकपा माओवादी केन्द्र र एकीकृत समाजवादीबीच गठबन्धन बनेको भनिए पनि अहिलेसम्म प्रदेशस्तरमा मुख्यमन्त्री’bout संयुक्त छलफलसमेत हुन सकेको छैन ।