दरम र गौदीखोलामा माछा मार्न प्रतिबन्ध

गलकोट नगरपालिकाले दरम र गौदीखोलामा माछा मार्न प्रतिबन्ध लगाएको छ । नगरपालिकाले सूचना जारी गर्दै असला माछा संरक्षण तथा जलचर जैविक विविधताको संरक्षणका लागि माछा मार्न प्रतिबन्ध लगाएको हो ।

दरम र गौदीखोलामा पाइने असला माछा नेपालमै प्रसिद्ध छ । गलकोटको चिनारीको रूपमा रहेको असला माछाको संरक्षण गर्न नगरपालिकाले सहयोग गर्न सबैलाई आग्रह गरेको छ ।