फ्रान्स र इङ्गल्याण्डबीचको खेलका लागि दुवै टोलीको सुरुवाती ११ सार्वजनिक

काठमाडौँ । फिफा विश्वकप २०२६ को तेस्रो स्थान (कांस्य पदक) का लागि आज बिहान २ः४५ बजे सुरु हुन लागेको फ्रान्स र इङ्गल्याण्डबीचको खेलका लागि दुवै टोलीको आधिकारिक सुरुवाती ११ सार्वजनिक भएको छ । सेमिफाइनलको निराशालाई बिर्सेर प्रतिष्ठाको यो खेल जित्ने लक्ष्यका साथ दुवै टोलीले आफ्ना मुख्य खेलाडीहरूलाई मैदानमा उतारेका छन् ।

फ्रान्सले आजको खेलमा आक्रामक संरचनासहित टोली मैदानमा उतार्ने भएको छ । फ्रान्सेली टोलीको अग्रपंक्तिको नेतृत्व स्टार फरवार्ड किलियन एम्बाप्पेले गर्नेछन् भने उनलाई माइकल ओलिसे र डेसिरे डोउले आक्रमणमा साथ दिनेछन्। मिडफिल्डको कमाण्ड युवा प्रतिभा वारेन जाइरे–इम्री, रायन चेर्की र अनुभवी एड्रियन राबियोटको काँधमा सुम्पिएको छ। त्यसैगरी, रक्षापंक्तिमा मालो गुस्टो, इब्राहिमा कोनाटे, म्याक्सेन्स लाक्रोइक्स र थियो हर्नान्डेज रहनेछन् भने गोलपोस्टको जिम्मेवारी माइक मेन्यानले सम्हाल्नेछन्।