हातेमालो वुमन ग्रुपको वार्षिकोत्सव : छात्रवृत्ति र सम्मानसँगै महिलासशक्तिकरणको सन्देश

हातेमालो वुमन ग्रुप अफ फाउण्डेशनले पाँचौँ वार्षिक साधारण सभाको अवसरमा छात्रवृत्ति तथा सम्मान कार्यक्रम सोमबार सम्पन्न गरेको छ।

तारकेश्वर नगरपालिकाको सभाहलमा आयोजना गरिएको उक्त कार्यक्रममा महिला, बालबालिका तथा ज्येष्ठ नागरिक मन्त्री नवल किशोर साह सुडी, महिला उद्यमी महासंघका अध्यक्ष शोभा ज्ञवाली, तारकेश्वर नगरपालिकाका प्रमुख कृष्णहरि महर्जन, मनमैजु माध्यमिक विद्यालयकी प्रधानाध्यापक रविना महर्जन, डब्लुएचओ नेपालका प्रतिनिधि सुदन ज्ञवाली, र फाउण्डेशनकी अध्यक्ष राधा सापकोटा ढकाल लगायतले मन्तव्य राखेका थिए।