राजस्थानले गुजरातलाई हरायो, सामसन र हेटमायरको उत्कृष्ट ब्याटिङ

भारतमा जारी इण्डियन प्रिमियर लिग (आइपिएल) क्रिकेटअन्तर्गत गत संस्करण विजेता गुजरात टाइटन्सविरुद्ध राजस्थान रोयल्स ३ विकेटले विजयी भएको छ । गएराति सम्पन्न खेलमा गुजरातले दिएको १ सय ७८ रनको लक्ष्य राजस्थानले १९.२ ओभरमा ७ विकेट गुमाएर पूरा गर्‍यो ।

राजस्थानको जितमा कप्तान सञ्जु सामसन र शिमरोन हेटमायरले अर्धशतकीय पारी खेले । ३२ बलको सामना गरेका सामसनले ६ छक्का र ३ चौकाको सहयोगमा ६० रन बनाए । त्यस्तै, हेटायरले २५ बलमा ५ छक्का र २ चौकासहित अविजित ५६ रनको इनिङ खेले ।