लमजुङको भुजुङ क्षेत्रमा आकस्मिक बहाव र पहिरोको जोखिम, सतर्कता अपनाउन आग्रह

काठमाडौँ । लमजुङ जिल्लाको भुजुङ वर्षा मापन केन्द्र तथा वरपरका क्षेत्रमा पछिल्लो एक घण्टामा हल्कादेखि मध्यम वर्षा मापन भएको जल तथा मौसम विज्ञान विभागले जनाएको छ।

विभागले आइतबार बिहान ३ः१७ बजे एक सूचना जारी गर्दै निरन्तर वर्षाका कारण सो क्षेत्र भएर बहने साना खोलामा आकस्मिक बहाव बढ्न सक्ने सम्भावना देखिएको बताएको छ। साथै, भिरालो र कमजोर भू–भागमा पहिरोको जोखिम समेत बढेकाले स्थानीय बासिन्दालाई आवश्यक सतर्कता अपनाउन आग्रह गरिएको छ।