उच्च पदमा पुगेका पाँच व्यक्तित्व दावाँली मिलन क्लबद्वारा सम्मानित

काठमाडौं । दावाँली मिलन क्लबले सामाजिक एकता, आपसी भाइचारा र समुदायप्रतिको उत्तरदायित्वलाई प्राथमिकतामा राख्दै भोजपुरमा जन्मिएर राष्ट्रका विभिन्न उच्च ओहदामा पुगेका पाँच व्यक्तित्वलाई सम्मान गरेको छ।

क्लबले आज आयोजित एक विशेष कार्यक्रममा नेपाल सरकारको मुख्य सचिव पदमा पदोन्नति भएका गोविन्दबहादुर कार्की, सचिव पदमा पदोन्नति भएका उत्तरकुमार खत्री, प्रहरी अतिरिक्त महानिरीक्षक (एआईजी)मा बढुवा भएका ईश्वर कार्की, कर्मचारी सञ्चय कोषको कार्यकारी प्रमुखमा नियुक्त विजयकुमार श्रेष्ठ तथा स्वतन्त्र ऊर्जा उत्पादक संघको उपाध्यक्षमा निर्वाचित विक्रम विष्टलाई सम्मान गरेको हो।