सांसद् यज्ञमणि भन्छन्: राप्रपासहितका दलले संविधान संशोधनको विषय उठाए पनि स्पष्ट धारणा ल्याएनन्

प्रतिनिधिसभा सदस्य यज्ञमणि न्यौपानेले संविधान संशोधन आवश्यक भए पनि अहिलेको मूल विषय संविधानको संरक्षण रहेको बताएका छन्। संविधान संशोधनका नाममा विकास, उन्नति र समृद्धिको बाटो रोक्न नहुने उनको भनाइ छ।

शनिबार सञ्चारमाध्यमसँग कुराकानी गर्दै न्यौपानेले संविधान संशोधनका लागि सबै राजनीतिक दल खुला छलफलमा आउनुपर्ने बताए। उनले कुन–कुन दफा संशोधन गर्न आवश्यक छ भन्ने विषयमा सबै दल र नागरिकलाई सहभागी गराएर छलफल गर्नुपर्ने बताए।