विश्वको तापक्रम बढाइरहेको 'एलनिनो' को प्रभाव सकियो : वैज्ञानिक

विश्वको तापक्रमलाई नयाँ उचाइमा पुर्‍याउने शक्तिशाली मौसमी घटना 'एल निनो' को प्रभाव सकिएको वैज्ञानिकले बताएका छन् । अष्ट्रेलियाको मौसम विज्ञान ब्यूरोले ‘'एल निनो' को प्रभाव सकिएर प्रशान्त महासागर पर्याप्त रूपमा चिसो भएको बताएको बीबीसीले जनाएको छ ।

गएको जुन महिनामा प्रशान्त महासागरको पानी प्राकृतिक रुपमै तातेपछि देखिने मौसमी असर 'एल निनो' शुरु भएको थियो । त्यही जुनदेखि मार्चसम्म लगातार १० महिना विश्वको तापक्रम अहिलेसम्मकै उच्च भएको छ । तापक्रम उच्च हुनुमा जलवायु परिवर्तनसँगै 'एल निनो' को प्रभाव रहेको वैज्ञानिकको भनाई छ ।