एनपीएलको तेस्रो संस्करणको खेल तालिका सार्वजनिक, उद्घाटनमा लुम्बिनी र सुदूरपश्चिम खेल्ने

काठमाडौँ । सिद्धार्थ बैंक नेपाल प्रिमियर लिग (एनपीएल) को तेस्रो संस्करणको खेल तालिका सार्वजनिक भएको छ । नेपाल क्रिकेट संघ (क्यान)ले त्रिवि अन्तर्राष्ट्रिय क्रिकेट मैदानमा आयोजना हुने प्रतियोगिताको खेल तालिका सार्वजनिक गरेको हो ।

एनपीएलको तेस्रो संस्करण अक्टोबर २६ अर्थात् कात्तिक १० गतेदेखि सुरु हुनेछ । प्रतियोगिताको फाइनल नोभेम्बर २१ अर्थात् कात्तिक २५ गते हुनेछ । प्रतियोगिताको उद्घाटन खेलमा लुम्बिनी लायन्स र सुदूरपश्चिम रोयल्सबीच प्रतिस्पर्धा हुनेछ । उक्त खेल कात्तिक १० गते सोमबार दिउँसो ४ः३० बजे सुरु हुनेछ ।