पश्चिम बङ्गालमा अर्का टीएमसी नेताको हत्या

पश्चिम बङ्गालको माल्दा जिल्लाको कालियाचकमा तृणमूल काङ्ग्रेस (टिएमसि) का एक नेताको गोली हानी हत्या गरिएको र पार्टीका दुई नेता गम्भीर घाइते भएको प्रहरीले जनाएको छ। घटना मङ्गलबार बिहान भएको बताइएको छ।

यसै महिनाको सुरुमा मालदामा तृणमूल काङ्ग्रेसका पार्षद दुलाल सरकारको हत्या भएको थियो। घटनाको सम्बन्धमा तृणमूल काङ्ग्रेस (टिएमसि) का धेरै नेताहरूलाई पक्राउ गरिएको थियो। मङ्गलबारको घटनाको बारेमा प्रहरी अधिकारीहरूले भने कि तृणमूल काङ्ग्रेसकै दुई समूहबीच झडप भएको थियो। दुवै समूहका मानिस घाइते भएका छन्। मृतक हसन शेखका रूपमा पहिचान गरिएको छ भने घाइतेहरू बकुल शेख र इसारुद्दीन शेखका रूपमा पहिचान गरिएको छ।