आफूलाई सहकारी पीडितका पक्षमा उभ्याएर रविले देखाएको साहस

सहकारी ठगीको अभियोगमा पुर्पक्षका लागि थुनामा रहेका रवि लामिछानेले आफ्नो भागको बिगोबापत रकम जम्मा गर्न तयार रहेको भन्दै थुनामुक्त गरिदिन जिल्ला अदालत रूपन्देहीमा निवेदन दिएका छन् । उनले बिगोबराबर हुने बैंक जमानतको प्रमाण पनि अदालतमा बुझाएका छन् ।

आफूलाई थुनाबाहिर राख्न माग गर्दै रविले साउन १९ गते दिएको निवेदनमा पक्षहरूलाई सूचना दिने आदेश भइसकेको छ । अब सरकारी वकिल र जाहेरवाला पक्षको समेत कुरा सुनेर रविको निवेदनमा अदालतले निर्णय दिन सक्नेछ ।