भन्सार विभागविरुद्ध आन्दोलन रोकिँदैनः रञ्जु साह

काठमाडौं । आम जनता पार्टी (आजपा) निकटको आम सम्पर्क मञ्चले बुधबार छैठो काठमाडौंको त्रिपुरेश्वर स्थित भन्सार विभाग घेराउ तथा धर्ना दिएको छ । भन्सार कानुनमा रहेको कथित ४५ प्रतिशत पुरस्कारको लूटकारी प्रावधानको व्यवस्था हटाउनुपर्ने लगायतका माग गर्दै मञ्चले भन्सार विभाग घेराउ एवं धर्ना दिदै आएको छ ।

भन्सार कानूनमा रहेको लुटकारी व्यवस्थाको विरुद्धमा आजपाले चौथो चरण अन्तरगतको कार्यक्रम अनुसार भन्सार विभाग घेराउ तथा धर्ना दिएको हो । आफूहरुको माग सम्बोधन नभएसम्म घेराउ एवं धर्नाको कार्यक्रम जारी रहने आन्दोलनकारीले जनाएका छन् ।