नेपालीलाई चाउचाउ खान सिकाउने ‘रारा’

चार दशकअघि पोखरामा उत्पादन शुरू भएको रारा चाउचाउले नेपालीलाई चाउचाउ खान सिकाएको थियो।

बेलायत, हङकङ लगायतका देशमा रहेका सैनिक छुट्टीमा घर आउँदा कोसेली बोकेर ल्याउँथे चाउचाउ। लाहुरेहरू ‘नुडल्स’ भन्थे। उनीहरूका परिवार र चिनजानका मान्छे पनि ‘नुडल्स’ नामसँगै परिचित थिए। त्यतिवेला ‘नुडल्स’ भनेर चिनिने चाउचाउबारे कमैलाई थाहा हुन्थ्यो।