भोजपुरमा सुरक्षा समितिद्वारा मतदानस्थलको अनुगमन

भोजपुर । आगामी फागुन २१ गते हुने प्रतिनिधिसभा सदस्य निर्वाचनलाई लक्षित गर्दै भोजपुरमा मतदानस्थल तथा मतदान केन्द्रको अनुगमन प्रक्रिया औपचारिक रूपमा सुरु भएको छ । सम्भावित सुरक्षा जोखिम, भौगोलिक चुनौती र आवश्यक पूर्वाधारको स्थिति मूल्याङ्कन गर्न जिल्ला सुरक्षा समितिले स्थलगत अनुगमन अघि बढाएको हो ।

भोजपुरमा ८७ वटा मतदानस्थल सिफारिस गरिएकामा ती मतदानस्थलको क्रमिक रूपमा निरीक्षण भइरहेको जिल्ला निर्वाचन कार्यालयका प्रमुख डिकेन्द्र सुवेदीले जानकारी दिए । उनका अनुसार हालसम्म १२ भन्दा बढी स्थानमा अनुगमन पूरा भएको छ ।