माथिल्लो त्रिशूली–१ मा दिनभर उद्धार अपडेट, टनेलबाट निकालिएका ११ शव त्रिशूली ल्याइयो, खोजी कार्य जारी

काठमाडौं– रसुवाको माथिल्लो त्रिशूली–१ जलविद्युत आयोजनाको टनेलबाट ११ वटा शव निकालिएको छ।

नेपाली सेना र आयोजनाका प्रतिनिधिसहितको संयुक्त उद्धार टोलीले अडिट–३ टनेलभित्र खोजी गर्ने क्रममा शव फेला पारेको हो। आज दिउँसो १२:३० बजेको अपडेटअनुसार निकालिएका ११ वटै शव नेपाली सेनाको हेलिकप्टरमार्फत त्रिशूली ल्याइएको छ। टनेलभित्र थप खोजी कार्य जारी रहेको सेनाले जनाएको छ।