अनमोललाई फर्की फर्कीमा अबसरसँगै चुनौती

काठमाडौं । अभिनेता अनमोल केसी १५ महिनापछि अब चलचित्र घरको पर्दामा आउँदैछन् । पछिल्लो चलचित्र ‘छड्के २’ सार्वजनिकपछि उनी उधोगमा बेखबर रहे । फेरी १५ महिनाको तयारीपछि बल्ल चलचित्र ‘फर्की फर्की’मार्फत रजतपटमा आउन लागेका हुन् । अघिल्लो चलचित्रमा ग्याङ स्टारको रुपमा प्रस्तुत यी अभिनेता आफ्नै रोजाईको ‘हाईफाई क्यारेक्टर’को रुपमा आउँदैछन् ।

अनमोलको चलचित्र यात्रा १० वर्षको भयो । २०७१ सालमा चलचित्र ‘होस्टेल’मार्फत यी अभिनेताले रजतपट यात्रा थालेका थिए । यो दशक वर्षमा उनले १० ओटा चलचित्रमा अभिनय गरे । उनको यो दशौं चलचित्र १० जेठमा चलचित्र घरमा आउनेछ ।