पुल निर्माण र आवासको माग गर्दै नुवाकोटमा बाढीपीडितको प्रदर्शन

नुवाकोट : नुवाकोटमा बाढी पीडितहरुले अस्थायी पुल तथा अस्थायी बासस्थानको माग गरेका छन्। साविकको ढुङ्गे र त्रिशूली जोड्ने त्रिशूली नदीमाथिको पक्की पुल बाढीले ध्वस्त पारेपछि उनीहरुले बेलिव्रिज निर्माण र अस्थायी आवासको माग गर्दै शनिबार नुवाकोटमा प्रदर्शन गरेका छन्।

बाढीबाट प्रभावित विदुर नगरपालिका–१ ढुङ्गे, त्रिशूली तथा नदी पारी पश्चिमी क्षेत्रका बस्तीका समस्या तत्काल समाधान गर्न माग गर्दै स्थानीयबासीले प्लेकार्ड र ब्यानरसहित विरोध प्रदर्शन गरेको सहभागी रविन श्रेष्ठले बताए ।