कामदारको शीप र क्षमता विकास

शीपयुक्त जनशक्ति नै विकासको मेरूदण्ड

शीपले व्यक्ति, परिवार र देशलाई समृद्ध बनाउँछ । मानव संसाधन विकास भनेको देशमा उपलब्ध जनशक्तिको शीप र क्षमताको विकास नै हो । शीपयुक्त जनशक्ति भएका देश धनी छन् । शीप विकासका लागि लगानी पनि गरिएको छ । शीपले पाल्छ भन्ने नेपालको मौलिक भनाइ हो । शीप हुनेले बेरोजगार बस्नु पर्दैन, कमाइ पनि बढी हुन्छ । यसै भनाइलाई आत्मसात् गरी नेपाली कामदारको शीप विकास गरिनु जरुरी छ । शीप हुनेको उत्पादकत्व पनि उच्च हुन्छ । त्यसैले रोजगारदाताले पनि कामदारलाई दक्ष बनाउन लगानी गर्छन् । उत्थानशील र बढ्दो अर्थतन्त्रका लागि शीपयुक्त जनशक्ति पूर्वशर्त नै हो ।